Алматы облысында 214 түлек «Алтын белгі» иегері атанды

16 Июня 2016 1801

Алматы. 16 маусым. Ақпараттар орталығы. Облыс бойынша 214 «Алтын белгі» иегерлеріне Талдықорғандағы «Жастар» саябағында құрмет көрсетілді. Үздіктерді облыс әкімі Амандық Баталов құттықтады, деп хабарлады Алматы облысы әкімінің баспасөз қызметінен.

Түлектерді құттықтай отырып, облыс басшысы «Алтын белгі» төсбелгісін мектеп бітірушілер өздерінің білімділігімен, ой өрісінің кеңдігімен, талаптылығымен алып отырғанын мақтан ететінін атап өтті.

«Президентіміз Нұрсұлтан Әбішұлы: «Кез келген ел өзінің келешегін өскелең ұрпағымен байланыстырады. Жаңа құндылықтар жастардың жүрегіне тезірек жол табады», - деген еді. Адамзат баласы өмір бойы білім алады. Өйткені білім – таусылмас қазына, баға жетпес байлық. Біз Сіздерден жаңалыққа жаны құмар, әлем өркениетіне жақын, озық ойлы жастар ретінде үлкен үміт күтеміз», - деді А. Баталов.

Ол әркез түлектерге мемлекет тарапынан қолдау көрсетіліп келе жатқанын және бұдан әрі де барлық қажетті қолдаулар көрсетілетінін айтты.

«Жаңа мектептер, заманауи құрал-жабдықтар мен оқу материалдары, ең үздік оқу әдістемесі мн барлық спорттық жарыстарға,байқауларға, бүкіл деңгейдегі олимпиадаларға қатысу мүмкіндігі. Осы жағдайлардың барлығы жасалған және сіздер үшін жасала да бреді. Қол жткізіп отырған жетістіктріміз сіз бн біздің дұыс олда келе жатқанымызды көрсетіп отыр.

Құрметті түлектер! Мектепті ойдағыдай аяқтауларыңызбен шын жүректен құттықтаймын! Баршаңызға мықты денсаулық, қуаныш және әр бастамаларыңызға сәттілік тілеймін», - дді облыс әкімі.

Жалпы, биылғы жылы облыста 214 түлек «Алтын белгі» төсбелгісіне, 171 оқушы ерекше үлгідегі аттестатқа ие болды..

Бұл орайда ҰБТ нәтижесі бойынша ең жоғары – 124 балды Кербұлақ ауданы Қарашоқы ауылындағы орта мектептің түлегі Талшын Шоқаева алды. Жалпы 28 оқушы 120 балдан жоғары көрсеткішке ие болды. Бұл ретте орташа көрсткіш 80 балға жеткен.

«Айта кету керек шарада ұйымдастырылған концерттік бағдарлама түлектер үшін кезекті сыйлық болды. Ал олардың ұстаздарының жылы алақанынан көкке самғаған көгершіндер олардың ашық, бұлтсыз болашағының белгісіндей әсер қалдырды», - деп хабарлады баспасөз қызметінен.